Olano eta Ugarte, T3Tn
Iñaki Olano eta Sarah Ugarte izan dira azkarrenak T3T lasterketan. Ekainaren 11ko proban, Hassan Aitchaouk eta Iñigo Uribeetxeberriak osatu zuten gizonezkoen podiuma, eta emakumezkoena, berriz, Nerea Amilibiak eta Maialen Gurrutxagak. 43 kilometro burutu eta Erroizpe, Uzturre eta Hernio mendiak igo behar izan dituzte.
Murgoito eta Iturriaga
T2Tn berriz, Gontzal Murgoitio eta Nerea Iturriaga izan dira azkarrenak. Proba laburrean, Jokin Lizeagak eta Amets Aramberrik osatu dute gizonezkoen podiuma, eta Laiane Arrospide eta Leire Elola izan dira emakumeen podiumera igo direnak. Erroizpe eta Hernio igo behar izan dituzte, eta 346 parte hartzaile iritsi dira helmugara.
