Txirrindularitza-zaleek bi hitzordu nagusi izan dituzte Tolosaldeko errepideetan: Itzulia, apirilaren 5ean; eta, Frantziako Tourra, uztailaren 2an. Hika txakolindegian amaitu zen Itzuliako hirugarren etapa, Vingegaard nagusi. Jende ugari zen animatzen azken aldapa pikoan. Unai Iribar txirrindulari ibartarrak gertukoak izan ditu ondoan.
Eskualdea aztoratuta
Tourraren aitzakian egun historikoa izan da eskualdean, festa giroan bizitakoa. Frantziako Tourraren bigarren etapa Gasteiztik irten, eta ia 210 kilometro egin eta bost mendate igo ondoren –Alkiza hirugarrena–, Donostian amaitu zen. Tartean, eskualdeko errepideak zeharkatu ditu Frantziako Tourrak, Larraitzetik sartuz eta Adunatik ateraz.
Frantziako Tourra pasa zen uztailaren 2an eskualdetik; Alkizan jai berezia izan zuten. IBAN URDAPILLETA