Datorren urtean Adunan ospatuko da jaialdia, eta Lizartzako festa egunean hartu zuten lekukoa. Goiko irudian: Lizartzako festa; beheko irudian: Adunako logoaren aurkezpena.
Publikoaren aldarria
Aiztondoko Euskal Eskola Publikoaz Harro taldeak Kalejira Koloretsua egin zuen otsailean Zizurkildik Villabonara, eta euskal eskola publikoa sendotzeko aldarria eraman zuen kalez kale. Eskualdeko hainbat musikarik parte hartu zuten kalejiran, eta bertan izan ziren Villabonako eta Zizurkilgo erraldoi eta buruhandiak ere.
Hizkuntzaz harago
Ibarrako Uzturpe ikastolan 2022an jarri zuten martxan kulturartekotasuna lantzeko proiektua. Joan den urteko Kilometroak festaren harira, kultur aniztasuna lantzeko batzorde bat sortu zuten, eta iaztik kulturartekotasuna lantzeko UEMAren proiektuan parte hartzen dute. Esperientzia honek etxeko lanak utzi ditu Uzturpen.