Aurreko astean jarri ziren salgai urtarrilaren 20an izango den Ataria Bertso Jaialdirako sarrerak. Orain arte Atarikideek izan dute sarrerak erosteko aukera eta hiru egunetan 600 sarrera baino gehiago saldu dira; orain gainerakoek izango dute geratzen diren horiek eskuratzeko modua.
Ohi bezala, jende ugari gerturatu da ATARIA-ren egoitzara sarrerak eskuratzeko, eta gehienak salduta daude. Baina, oraindik ere hainbat sarrera geratzen dira. Horiek eskuratzeko, gaur eta urtarrilaren 3an ATARIAren egoitzara jo beharko da, 10:30etik 13:30era. Sarrerak 18 euroan erosi ahalko dira, zenbakituak izango dira eta ez da erreserbarik onartuko.
Urtarrilaren 20an izango da Ataria Bertso Jaialdia, Leidor aretoan, 18:00etan hasita. Oihana Iguaran, Aitor Mendiluze, Maialen Lujanbio, Amets Arzallus, Jone Uria eta Julio Soto ariko dira bertsotan eta, beti bezala, Amaia Agirrek egingo ditu gai-jartzaile lanak.
