Oihana Iguaran, Aitor Mendiluze, Maialen Lujanbio, Amets Arzallus, Jone Uria eta Julio Soto ariko dira bertsotan eta, beti bezala, Amaia Agirrek egingo ditu gai-jartzaile lanak. Saioa ikusteko sarrerak gaur arratsaldean, jarriko dira salgai, Atarikideentzat bakarrik, sarrera guztiak zenbakituak izango dira eta ez da erreserbarik onartuko. Sarrerak Ataria-ko egoitzan salduko dira (San Esteban auzoa, 20, Tolosa).
Atarikideek 16 euro ordaindu beharko dute sarrera bakoitza eta gehienez bi sarrera erosi ahalko dituzte prezio horretan. Bi sarrera baino gehiago erosi nahi izanez gero, hirugarrenetik aurrera, sarrera bakoitzarengatik 18 euro ordaindu beharko dira. Aurten banku txartelarekin ordaintzeko aukera ere egongo da.
Sarrerak erosteko egunak eta ordutegiak Atarikideentzat:
- Gaur: 15:00 - 18:00.
- Bihar: 10:30 - 13:30.
- Ostiralean: 10:30 - 13:30.
Sarrera guztiak zenbakituak izango dira eta ez da erreserbarik onartuko.
Atarikide ez direnek berriz, 18 euro ordaindu beharko dute sarrera bakoitzeko eta aurrerago izango dute hauek erosteko aukera, baldin eta sarrerak geratzen badira. Datorren astean emango da informazio guztia.
