Euskadiko teknika eta hamabost urtez azpiko halterofilia txapelketak jokatu zituzten azaroaren 18an, Zarautzen. Lehiaketan fin moldatu ziren eskualdeko Denok Danena halterofilia taldeko gazteak: Kisbel Löpezek irabazi zuen teknika modalitatea, eta hamabost urtez azpikoetan Unai Mesak hirugarren postua lortu zuen kategoria guztietan. Lehian aritu ziren taldeko Sergio Gonzalez eta Maialen Zubeldia pultsulariak ere.
Horrez gain, egun berean Gijonen (Asturias, Espainia) Espainiako Federazio arteko Master txapelketa jokatu zuten, eta emakumezkoetan Euskadi izan zen txapelduna. Nabarmentzekoa talde horretan hartzen duela parte Denok Danena halterofilia taldeko Lidia Martonek.
