Mugikortasun jasangarria sustatzeko urratsak egiten jarraitzen du Tolosako Udalak, eta hori modu seguruan gauzatu dadin hobekuntzak egiten ari da. Horri lotuta, Amarotz eta Txarama auzoen arteko bidegorrian argiteria jarriko da datozen asteotan, inguru horretako ikusgarritasuna eta segurtasuna hobetzeko.
Lehen esku-hartzeak bidegorri bazterrean egingo dira, farolentzako oinarriak jartzeko. Behin hori amaituta, trafiko eten puntualak egin beharko dira, baina horiek aurrerago zehaztuko dira. Edozein kasutan, argiztatze lanak zortzi asteko epean amaitzea aurreikusten dute.