Santa Zezilia aitzakia hartuz, aurten Musika Astea antolatu du Loatzo musika eskolak, mankomunitatea osatzen duten zortzi herrietan, "musika lagun izan dezagun". Adunan abiatuko dute ibilbidea igandean, Loatzo musika bandaren emanaldiarekin eta ondoren saioak izango dira Alegian, Iruran, Zizurkilen, Ibarran, Altzon, Villabonan eta Anoetan.
"Taldeak, ganbarak eta musika tresna guztiak batera edo bestera doinuak jotzen arituko dira. Tresna eta talde bakoitzaren atzean ikasle gogotsuak daude eta emanaldi hauetan parte hartzeko egin duten lanagatik zoriondu nahi ditugu", esan du Onintza Erkizia Loatzo musika eskolako ikasketa buruak.
Erkiziak aitortu du "ilusio handiz" prestatutako emanaldiak izan direla eta ikasleek haietan gozatzea espero dutela. "Gure eskerrik beroenak zortzi herrietako udal arduradunei eta teknikariei aste honetako melodiak goxatzen laguntzeagatik".
Egitaraua
- Azaroak 19, igandea
- ADUNA
- 12:30. Loatzo musika bandaren emanaldia plazan.
- ADUNA
- Azaroak 20, astelehena
- ALEGIA
- 18:30. Ganbara kontzertua kultur etxean.
- ALEGIA
- Azaroak 21, asteartea
- IRURA
- 18:30. Talde instrumentalak eta gitarra taldea.
- IRURA
- Azaroak 23, osteguna
- ZIZURKIL
- 18:30. Abesbatza, txistulari taldea eta pandero taldea plazako aterpean.
- ALTZO
- 18:30. Batzarremuñon gitarra taldea eta talde instrumentala.
- VILLABONA
- 19:00. Berdura plazan tailerrak eta Anakruxa taldea.
- IBARRA
- 19:30. Plazako aterpean dultzaina taldea.
- ZIZURKIL
- Azaroak 24, ostirala
- ANOETA
- 18:30. Auditorioan ganbara eta eskusoinu taldea.
- ANOETA