Zumarragako Beloki pilotalekuan jokatu zuten atzo neurketa, eta Jon Ander Peña 19-22 nagusitu zitzaion Jakari. Tolosarrak 16 tanto egin zituen eta 8 galdu, eta lizartzarrak 11 tanto egin eta 6 galdu.
Igande honetan jokatuko da txapelketaren finala, eta bertan izango da Jokin Altuna amezketarra. Peio Etxeberria izango du aurkari lehendabizikoz. Sari banaketan egongo da Peña II.a, hirugarren sailkatu moduan.
Tolosako Beotibarren, promozio mailako finala
Larunbatean Tolosako Beotibar pilotalekuan promozio mailako Lau eta Erdiko Txapelketaren finala izan zen jokoan, eta Zubizarreta III.a izan zen garailea, 21-22 irabaziz Egiguren V.ari. Zubizarretak 12 tanto egin zituen eta 8 galdu, eta Egigurenek 13 tanto egin eta 10 galdu.
