Baiko Pilotak Iñaki Artola, Erik Jaka eta Jon Ander Peña hautatu ditu pilotari titular gisa Binakako Txapelketarako. Eskualdeko pilotari hauekin batera Unai Laso, Jon Ander Albisu, Aitor Aranguren, Ander Imaz eta Jon Mariezkurrena ere deitu ditu.
Duela urtebete Baikok aukeratu zituen zortzi pilotariekin alderatuta Iñaki Artola da berritasuna, Mikel Urrutikoetxearen ordez arituko baita.
Baikok Binakako Txapelketaren aurkezpen ekitaldian emango du jakitera bikoteak nola osatuko dituen. Azaroaren 24an hasiko da Azkoitian txapelketa.