Irteera 8:00etan izango da Tolosako San Frantzisko eliza atarian. Gero, Ibarrako Euskal Herria kalean gora eginda, Izaskun auzora iritsiko dira. Ondoren, mugarriak ikusiz, Uzturre mendira eta handik Belabietara iritsiko dira. Jarraian, itzulerako bidea hasiko dute Villabona eta Irurako mugetatik pasatuz. Bukatzeko, Tolosako Santa Luzia auzora jaitsiko dira. Ibilbidearen luzera 18 kilometrokoa da, 895 metroko desnibel positiboarekin. Antolatzaileek ibilaldia 5 ordu eta erdian egitea aurreikusten dute.
Informazio gehiago izateko edota izena emateko hiru aukera daude: alpinouzturre.eus webgunean, info@alpinouzturre.eus helbide elektronikora mezua idatzita edo 943 652 789 telefono zenbakira deituz.
Hemen etaparen bideoa: