Manifestazioa egin dute Trianguloa plazatik abiatuta eta bertan Palestina eta Israeldik iristen diren berriak geroz eta kezkagarriagoak direla esan dute. «Israel Gazan burutzen ari diren bonbardaketa indiskriminatuak ehunka hildako eta milaka zauritu uzten ari dira herritar zibilen artean, horietako asko haurrak». Genozidio baten aurrean gaudela aldarrikatu dute eta «herritarrek bakean bizitzeko eskubidea dutelako» hiru eskaera egin dituzte: Estatu palestinarraren aitortza, lurralde palestinarren okupazioarekin amaitzea, eta erosoekin amaitzea eta elkarrizketa prozesu bat irekitzea. Azken puntu horri lotuta esan dute eraso guztiekin amaitzea eskatzen dutela, baita Gazaren aurkako blokeoekin ere. Eta horrekin batera elkarrizketa prozesu bat irekitzea nahi dutela esan dute «alde batetik, gatazka honek utzitako ondorioei heltzeko, gatibu israeldarren eta palestinarren afera barne, eta, bestetik, Nazio Batuen Erakundearen proposamenetan oinarrituta, gatazkari behin betiko irteera politikoa emateko».