Tolosako Alpino Uzturre elkarteak antolatuta, 22. Hernialdera Rollerski Igoera egin dute. 48 korrikalarik hartu dute parte. Gehienak (14) Alpino Uzturre elkartekoak izan dira, eta batik bat Gipuzkoako kirol elkarteko kideak izan badira ere, Gipuzkoatik kanpokoak ere gerturatu dira, hala nola, Arabakoak, Nafarroakoak eta baita Huescakoak ere.
Skating eran (4 kilometro) Peio Añarbe gasteiztarra (12:48) eta Irati Cuadrado iruñarra (15:52) izan dira azkarrenak. Gizonezko beterano azkarrena, berriz, Harkaitz Labeaga tolosarra (16:24) izan da.
Klasiko eran (3,2 kilometro), berriz, Unai Sanz uhartearra (14:46) eta June Aranburu tolosarra (16:58) izan dira irabazleak. Gizonezko beterano azkarrena Fernando Perez errenteriarra (15:08) izan da.
Gaztetxoen mailan, Anddee Elizburu elgoibartarra (7:02) eta Libe Curras tolosarra (7:35) izan dira azkarrenak, 1,5 kilometroko ibilbidea osatzen.