A-15 errepidea erabat itxiko du gaur gauean Gipuzkoako Foru Aldundiak. 22:00etatik aurrera, eta bihar goizaldeko 6:00ak bitarte, trafikoa erabat etengo dute bi norabideetan, Oindolar eta Gorosmendi tuneletan lanak egin behar dituztelako.
Andoaingo noranzkoan, Berastegiko lotunean itxiko dute errepidea, eta Iruñera bidean, Andoainen Sorabillako lotunean. Leitzaldetik Donostiara doazenei, GI-2130 errepidetik (Tolosa-Leitza) joatea gomendatu diete eta Iruñera doazenek, Leitza eta Uitzi arteko errepidea (GI-2135) erabil dezakete. Ibilbide luzeko joan-etorrien kasuan, N-1 errepidea hartzea eta Altsasutik joatea gomendatu dute.