Pasa den igandean, Donostiako lasterketa ezagunenetako bat jokatu zen: XXXIII. Hiru Hondartzak Krosa. 3.000 lagun baino gehiagok parte hartu zuten, eta horien artean, eskualdeko askok. Emakumezkoetan, Garazi Karrera izan zen onena. Ia minutu bateko aldea atera zion Olatz Zabala bigarren sailkatuari. Hirugarren, berriz, Izaro Rubio beteranoa izan zen. Izaro Perurena tolosarra hirugarren postuan zihoan 500 metroren faltan, baina azkenean lasterketa utzi behar izan zuen.
Gizonezkoetan, berriz, Ander Sagarzazu donostiarra izan zen azkarrena; lasterketa hasieratik nagusi izan zen. Bigarren posturako, baina lehia estua izan zen hiru korrikalariren artean. Azkenean, Joseba Olaetxea tolosarra izan zen bigarren eta Jon Presa lasartearra hirugarren.
Sailkapenak:
Emakumezkoak:
- Garazi Karrera: 37.13
- Olatz Zabala: 38.12
- Izaro Rubio: 38.56
Gizonezkoak:
- Ander Sagarzazu: 31.18
- Joseba Olaetxea: 31.36
- Jon Presa: 31.47
