Tolosaldea Garatzenek antolatuta, Tolosaldeko IKT Astea izango da urriaren 16tik 20ra. Hamabosgarren edizioa izango da aurtengoa, eta ohi bezala, enpresen egunerokoan tresna digitalak txertatzeko eta horien erabileraren inguruko jakintza zabaltzeko helburuarekin antolatu dute.
Guztira 13 ikastaro eskainiko dituzte. Goizetako tailerrak enpresei zuzendutakoak izango dira; eguerdietan komertzioak izango dira hartzaile nagusiak; eta turismo sektorean lan egiten duten establezimendu eta ostalarientzat zentratutakoak izango dira arratsaldeko saioak. Dena den, interesa duen edonork ere parte hartu ahal izango duela edozein ikastarotan azaldu dute Tolosaldea Garatzenetik.
Ikastaro guztiak doakoak izango dira, eta nahi adina ikastarotan eman ahal izango da izena,lehiberri@tolosaldea.eusemailera idatziz.
EGITARAUA
- Goizak (Lehiberri zentroa)
- Urriak 16, astelehena (09:00-12:00): Zibererasoak: nire enpresa prest al dago egungo mehatxuei aurre egiteko?
- Urriak 17, asteartea (09:00-12:00): Chat GPT-ik harago.
- Urriak 18, asteazkena (09:00-13:00): Ez duzu zure enpresan Linkedinek duen potentziala aprobetxatzen… eta badakizu.
- Urriak 19, osteguna (09:00-12:00): Enpresei aplikatutako Chat GPT eta beste sorkuntza AI tresna batzuen erabilera praktikoa.
- Urriak 20, ostirala (09:00-13:00): Business Intelligence Power BI-rekin.
- Eguerdiak (komertzioak)
- Urriak 16, astelehena, Villabonako KZ Gunea (14:00-16:00): ChatGPT eta bezeroen esperientzia hobetzeko beste tresna batzuk.
- Urriak 17, asteartea, Villabonako KZ Gunea (14:00-16:00): ChatGPT eta bezeroen esperientzia hobetzeko beste tresna batzuk.
- Urriak 18, asteazkena, Oriaburu eraikina, Tolosa (14:00-16:00): ChatGPT eta bezeroen esperientzia hobetzeko beste tresna batzuk.
- Urriak 19, osteguna, Oriaburu eraikina, Tolosa (14:00-16:00): ChatGPT eta bezeroen esperientzia hobetzeko beste tresna batzuk.
- Arratsaldeak (Lehiberri zentroa)
- Urriak 16, astelehena (17:00-19:00): Ziber-iruzurra.
- Urriak 17, asteartea (17:00-19:00): Turismoko edukiak sortzea (Chat GPT).
- Urriak 18, asteazkena (17:00-19:00):Tik Tok.
- Urriak 19, osteguna (17:00-19:00):Adimen artifiziala.