Renfek trenbideak hobetzeko lanak burutu behar ditu eta, ekainean egin bezala, datorren asteburuan, hau da, irailaren 30ean eta urriaren 1ean, tren zerbitzua etengo du Tolosa eta Andoain bitartean. Zerbitzua eta bidaiarien joan-etorriak bermatzen jarraitzeko, ordea, autobusak jarriko ditu tren konpainiak. Autobus horiek Tolosako geltokitik irtengo dira eta trenak egingo lituzken geldiune berdinak egingo ditu, kasu honetan Anoetan, Villabonan eta azkenik Andoainen (Tolosako herrigunean ez da geldituko). Behin Andoainera heltzerakoan, bidaiariek trena hartu ahal izango dute berriro. Alderantzizko noranzkoan ere berdin.
Autobusen joan-etorria bermatzeko, Tolosako geltokiko aparkaleku batzuk erreserbatuko dituzte, eta, ondorioz, ezingo da bertan aparkatu. Udaltzaingoak erreserbatutako eremuak behar bezala seinaleztatuko dituela esan du Tolosako Udalak.
Renfeko tren zerbitzua etengo dute asteburuan Tolosa eta Andoain bitartean
Renfek trenbideak hobetzeko lanak egin behar ditu eta ondorioz, autobusak jarriko ditu geltokian. Autobusak Anoetan, Villabonan eta Andoainen egingo ditu geldialdiak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!