Final gogorra jokatu zuen Eneko Maiz Behar Zana elkarteko pilotari billabonatarrak Frantziako selekzioko Orathegaray ordezkariaren aurka. Lehen setean 6-15 galdu zuen Maizek, bigarrengoan buelta eman zion neurketari, 15-3 irabaziz, eta hirugarren eta azken setean 10-6 irabazi zuen.
Joxi Lopetegi irurarrak Sebas Moncadarekin batera jokatu zuen. Behar Zanako pilotariek Frantziako selekzioko Perugorria eta Larisson bikoaren aurka jokatu zuten eta 15-9 eta 15-13 irabazi zioten.
Bestalde, Behar Zanako Miriam Arrillaga pilotariak Espainiako Txapelketa irabazi du banaka frontballean. Cristina Saenzi 10-5 eta 10-5 irabazi zion.