Israelen jokatzen ari da txapelketa eta Garridok hiru probetan parte hartuko du. Gaurkoa, 200 metro bizkar estiloan, bere proba esanguratsuena zen, parte hartzaileen arteko zortzigarren marka onena baitzuen. Tolosaldea IKTko igerilariak goizean parte hartu du sailkapen probetan eta bosgarren denbora onena lortu du, 2.13,89 eginez. Arratsaldean izan du finala, eta berriro ere bosgarren postu onena lortu du, denbora pixka bat murriztuz. Bihar goizean, 50 metro bizkar estiloko probaren sailkapen proba izango du. Bere hirugarren proba izango da.
Tolosaldea IKTko Nahia Garrido igerilaria bosgarren izan da Munduko Junior Txapelketan. Bizkar estiloko 200 metroko proban parte hartu du, eta finalean bosgarren iritsi da, 2.12,50ko denbora eginez eta Euskadiko errekor absolutua ezarriz 50 metroko igerilekuan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!