Alpino Uzturre elkarteak, Bramatueroko gailurrik garaiena den Arratille mendira antolatu du bidaia Irailaren 2tik 3ra, eta izena emateko azken eguna bihar izango da.
Irailak 02 (larunbata):
Goizeko 09:30ean Alpino Uzturre elkartean elkartuko dira. Mendi txangoa Baños de Panticosan (1.630 m.) hasiko da. Arnales ibonera (2.292 m.) igoko dira, eta jarraian Ibones de Bachimaña (2.189 m.) aterpera iritsiko dira eta bertan hartuko dute ostatu pentsio erdian.
Irailak 03 (igandea):
Aterpetik Arratille (2.898 m.) mendiruntz joko dute. Bachimaña Alto (2.207 m.) enbaltsetik, Bramatuero Bajo (2.301 m.) enbaltsetik, Bramatuero Alto (2.522 m.) enbaltsetik eta Letrero ibonetik (2.546 m.) igaroko dira. Azken aldapa igotzeko hiru aukera daude. Pareta errez batetik (I) egingo dute. Harriak erortzeko arriskua dagoenez, kontu handiz ibiliko beharko dute. Goiko koxka (I) trepatzeko eskuak erabili beharko dituzte gailurra zapaltzeko eta bertan ikuspegiaz gozatzeko. Amaitzeko; jaitsiera bide berberetik egin beharko dute.