Euskotren Ligako hamalaugarren eta azken jardunaldia jokatu da gaur, Zarauzko uretan, eta Tolosaldeak, amaiera bikaina eman dio ligari. XV. Zarauzko Ikurrinaren sailkapen nagusian laugarren amaitu arren; gaurko estropadan hirugarren postuan amaitzea lortu dute (10.55,06) Ramon Erostarberen neskek. Lehen luzeko ziabogara azken postuan iritsi diren arren, eskualdeko taldeak, 4.kaletik poparean asmatu egin du, eta bigarren luze bikaina burututa, Orioren aurretik amaitzea lortu dute.
Tolosaldea traineruak; Euskotren Ligako laugarren postuan amaitu du denboraldia historian lehen aldiz, eta Donostia Arraun Lagunakek irabazi du liga. Hurrengo erronka; abuztuaren 30ean jokatuko den Kontxako sailkatze estropada izango da Tolosaldeko Arraun klubarentzat, eta indarrez eta animoz beterik iritsiko dira urteko zitarik garrantzitsuenera.
LIGAKO SAILKAPENA
- Donostia Arraun Lagunak 95p
- Orio 86p
- Donostiarra 79p
- TOLOSALDEA 71p
- Hondarribia 54p
- Hibaika 39p
- Cabo 27p
- Tiran 16p