Gipuzkoako Foru Aldundiak, GI 2130 errepidean, Tolosatik Apattara bidean dagoen Zumain tunelean, barruko eta kanpoko argien ordezkapen lanak egingo ditu. Lanak gauez egitea aurreikusi dute, 22:00etatik 06:00etara.
Beraz, GI 2130 errepidea erabat itxiko da lan horiek egiteko, gaueko ordutegian, eta Leaburura eta Gaztelura iristeko Ibarratik edo Belauntzatik barrena joan beharko da. Jakinarazi dutenez, obrak eta dagozkien desbideraketak behar bezala seinaleztatuta egongo dira. Behar izanez gero, larrialdietako zerbitzuei bidea irekiko zaiela ere esan dute.
Lanak abuztuaren 21etik 22ra doan gauean hasiko dituzte eta abuztuaren 23tik 24ra doan gauean amaituko dituzte. Errepideak ez du afekziorik izango asteburuan.