Santi Osoro, Gipuzkoako Txirrindularitza Federazioko lehendakariak adierazi duenez, «Gipuzkoako ziklismoak erakutsi duen jarreraren aurrean, eta gaiak hedabideetan izan duen eraginagatik, lortu dugu kirol arduradun eta politikariek egin beharreko lanak egin eta egutegia osatzeko gelditzen ziren lasterketetarako onespena jasotzea». Honenbestez, denboraldia amaitzeko geratzen ziren 14 lasterketak, «normaltasunez» egiteko moduan izango dira.
Etorkizunera begira; «Aurten izan ditugun arazoei irtenbide bat emateko helburuarekin, datorren irailean mahi batean elkartuko gara Eusko Jaurlaritza, diputazioak, antolatzaileak, ertzainak eta federazioak. Datorren denboraldia hasterako, arazo guztiei konponbidea emateko denen artean» adierazi du Osorok.
Gipuzkoako Txirrindularitza federazioak atzo ateratako oharrean, egoera iraultzeko lana egin duten guztiei eskerrak helarazi nahi izan die.
Se reanuda la temporada ciclista en Gipuzkoa.
— Oriako Tx. Eskola (@Oriakotxe) August 7, 2023
Eskerrik asko @GTxF_ por tu trabajo y empeño en mejorar el ciclismo en Gipuzkoa. pic.twitter.com/3pWGlvgUAE