Abuztuaren 29an hasiko da Donostia Hiria Torneoa. Bi finalerdirekin hasiko da txapelketa, bigarrena 30ean jokatuko delarik. Finala irailaren 1erako iragarri dute.
Sarrerak erosteko aukera jada zabalik dago, entradasfronton web orrian.
Lau bikote
Lehen finalerdia Elordi-Zabaletak eta Altuna III-Rezustak jokatuko dute Atano III.a pilotalekuan. Irabazleak finalerako txartela lortuko du. Aurkaria abuztuaren 30ean jakingo dute, egun horretan jokatuko baita bigarren finalerdia. Jaka-Mariezkurrenak Peña II-Aranguren izango dituzte aurkari.