Getxoko Estropaden XV. Ikurriña jokatu da gaur Getxoko uretan. Tolosaldea trainerua, ohorezko txandan irten da beste behin, eta lan ona burutu dute Ramon Erostarberen neskek.
Orio Kanpina XI. Banderan, sailkapen nagusiko hirugarren postura igotzea lortu zuen Tolosaldea traineruak, eta postu hori mantentzeko helburuarekin ontziratu dira Tolosaldeko arraunlariak. Estropada, oso indartsu hasi du eta lehen ziabogara; bigarren postuan iritsi dira (6.25,47),Orioren atzetik. Bigarren luzean ordea, Tolosaldea traineruak gehiago sufritu du eta ezin izan du estropadako bigarren postua mantendu, izan ere, Donostia Arraun Lagunak-ek aurreratu bai die. Getxoko bandera hirugarren postuan amaitzea lortu du Tolosaldeak (11.41,80), laugarren izan den Donostiarrari (11.49,06) zortzi segundo aterata.
Biharko estropada; Santurtzin jokatuko da, eta sailkapen nagusiko hirugarren postuan mantentzen saiatzeaz gain, bandera irabazteko lehiatik hurbil ibiltzeko helburuarekin irtengo dira Tolosaldea traineruko arraunlariak.
LIGAKO SAILKAPENA
- Donostia Arraun Lagunak 43p
- Orio 41p
- TOLOSALDEA 35p
- Donostiarra 31p
- Hondarribia 26p
- Hibaika 18p
- Cabo 14p
- Tiran 7p