Ia bi urte egin dituzte berrobitarrek kutxazainik gabe. 2021eko udan lapurreta egin zuten herrian zegoen kutxazain bakarrean, eta ordutik konpondu gabe egon da. Izan ere, Kutxabankek udalari eskatu zion konponketako gastuak bere gain har zitzala eta mantenuko gastuak ere udalak ordaintzea nahi zuen.
Bidania-Goiatzen ere antzekoa izan da egoera. Han ere, lapurreta baten ondorioz geratu zen zerbitzutik kanpo 2021 urte amaieran, eta horrela egon da gutxira arte. Kasu hartan ere Kutxabankena da kutxazaina, eta udalari eskaera berdina egin zion, hau da, konponketa eta mantenua bere gain hartzeko.
Bada, bi kasuetan aurreko legealdian zehar entitatearekin negoziatu ondoren, berriki martxan jarri dituzte kutxazainak, eta zerbitzua erabilgarri dute herritarrek.