Txirrindularitzako afizionatuen mailako erreferentziazko itzulietako bat da 23 urtez azpiko Madrilgo Erkidegoko Itzulia. 22 taldek parte hartuko dute, tartean, Laboral Kutxa Team taldeak, eta euskal taldeko kideetako bi Tolosaldekoak izango dira: Unai Zubeldia ibartarra eta Iñaki Diaz tolosarra. Beraiekin batera ariko dira Aitor Agirre, Aimar Galdos, Iker Mintegi, Manuel Rodríguez eta Iker Trigo, Mikel Gaztañagaren zuzendaritzapean. Zubeldia eta Mintegi Euskaltel-Euskadiko txirrindulariak izango dira 2024an eta 2025ean.
Madrilgo itzulian bost etapa izango dira guztira, eta gaur izango da lehena, taldekako erlojupekoa.
Etapak eta ordutegiak:
- Uztailak 18, asteartea. 1. etapa: Chinchon - Chinchon, 13,5 km. Taldekako erlojupekoa. Irteera: 18:30 / Helmuga: 19:53.
- Uztailak 19, asteazkena. 2. etapa: Alcala de Henares - Alcala de Henares, 143 km. Irteera: 12:30 / Helmuga: 15:36-15:59.
- Uztailak 20, osteguna. 3. etapa: Buitrago de Lozoya - Buitrago de Lozoya, 101,2 km. Irteera: 12:30 / Helmuga: 14:54-15:09.
- Uztailak 21, ostirala. 4. etapa: Parla - Parla, 137,5 km. Irteera: 12:30 / Helmuga: 15:33-15:46.
- Uztailak 22, larunbata. San Lorenzo de El Escorial - San Lorenzo de El Escorial, 139 km. Irteera: 9:30 / Helmuga: 12:48-13:09.