Emakumezkoetan Olatz Arregi, Pili Esnaola, Ioana Arbillaga eta Carolina Rivero aritu ziren. Sekulako maila eman zuten eta taldekako sailkapenean Euskadiko eta Gipuzkoako txapeldunorde izatea lortu zuten. Bakarkakoan ere, Esnaolak Euskadikoan 3. postua eskuratu zuen beterano mailan eta 2. postua Gipuzkoako txapelketan. Gipuzkoakoan ere Arregi podiumean izan zen 3. postua eskuratuz.
Gizonezkoen kasuan parte hartze zabalagoa izan zen, Aitor Tejeria, Asier Mujika, Iñigo Izeta, Elur Urkola, Xabier Beldarrain eta Andoni Uralde aritu baitziren. Euskadiko taldekako txapelketan sailkapenean 6. postua eskuratu zuten eta Gipuzkoako sailkapenean, aldiz, 3. postua. Nabarmentzekoa da Aitor Tejeriaren garaipena Euskadi eta Gipuzkoako txapelketan beterano mailan.