Osasun Sailak udararako osasun zerbitzuen berri eman zien atzo sindikatuei mahai sektorialean, eta txosten horretan jaso dute udarako hilabeteetan Araba, Bizkai eta Gipuzkoako 342 osasun etxeetatik hamahiru itxiko dituztela. Zehaztu du hamahiru horietatik hamarrek jada astean ordubete baino ez dutela irekitzen. Tolosaldeari dagokionez, Abaltzisketa, Baliarrain, Ikaztegieta, Belauntza, Gaztelu, Leaburu, Txarama eta Orexako zerbitzuak erabat etengo dituzte.
Tolosaldeko osasun zerbitzuetan aurreikusitako aldaketak
- 12 zentrok ohiko ordutegiari eutsiko diote.
- 12 zentrotan ixteko ordua aurreratuko dute.
- 12 zentrotan erizaintzako zerbitzua emango dute momentu zehatzetan.
- 8 herritan zerbitzua bertan behera utziko dute (astean ordubeteko zerbitzua soilik ematen duten zentroak dira).