Ondarroan jokatu da Euskadiko Arraun Txapelketa eta Tolosaldea traineruak laugarren postua lortu du. Bi luzetan jokatu da estropada, eta bietan laugarren egin du Tolosaldeak, bigarren luzean Orioren pare eginez. Hain justu, Oriok egin du denbora onena lehen luzean, baina bigarrengoan asko jaitsi da, eta hirugarren denbora onena egin du, sailkapen orokorrean bigarren eginez.
Tolosaldea lehen txandan atera da, eta berarekin batera Arraun Lagunak, Hondarribia eta Ondarroa lehiatu dira. Arraun Lagunakek abantaila hartu du lehen luzean, Tolosaldea baino 11 segundo gutxiago eginez. Tolosaldeak ziabogan segundo bat atera dio Hondarribiari. Bigarren luze ona egin du Tolosaldeak, Arraun Lagunak baino hiru segundo gehiago eginez, eta Hondarribia baino 11 segundo azkarrago bukatuz.
Hau izan da sailkapen orokorra:
- Donostiarra 10.47,03
- Orio 6,47ra
- Arraun Lagunak 7,57ra
- Tolosaldea 22,52ra
- Hondarribia 33,84ra
- Kaiku 47,98ra
- Ondarroa 1.18,43ra
- Deustu-Bilbo 1.27,87ra