Albiztur, Bidania-Goiatz, Beizama eta Errezilgo emakumeak Gasteizera joan ziren larunbatean. Irteeraren helburu nagusia Saiaz Mankomunitatea osatzen duten lau herrietako emakumeak saretzen, elkar ezagutzen eta elkarren arteko harremana mantentzen jarraitzea izan zen. Aurretik Getariara eta Bilbora egindako irteeretan bezala, oraingoa ere «giro ederrean» ibili zirela kontatu dute mankomunitatetik. Hainbat ekintza egin zituzten bertan, besteak beste, Alde Zaharrean bisita gidatua eta Fournier karten museora bisita.
