Emakume baten gorpua aurkitu zuten atzo Gasteizen, apartamentu hotel bateko logela batean. Gorpuak indarkeria zantzuak zituen eta poliziek xehetasun gehiagorik ez zuten eman hasieran, baina arratsaldearen erditsurako baieztatu zuten kasua hilketa matxista bat dela. Andreak 32 urte zituen, eta Gasteizkoa zen. Urteko bigarren hilketa matxista da eta 2003tik Euskal Herrian 119ena, mugimendu feministak egiten duen kontaketaren arabera.
Tolosaldean, hiru mobilizazio deitu dituzte oraingoz, erailketa matxista salatzeko. Batetik, gaur, Tolosaldeko Itaiak deituta, elkarretaratzea egingo dute Trianguloa plazan, 20:00etan. Gaur baita ere, Anoetako Mugimendu Feministak deituta, herriko plazan elkartuko dira, 19:30ean. Bestetik, Aiztondoko mugimendu feministak eta Akain eta Lurgatz talde feministek deituta, bihar, elkarretaratzea egingo dute Villabona eta Zizurkil arteko oinezkoen zubian, 18:30ean.