Emakumezkotan, lau pultsulari izan ziren txapeldun: Izarne Marko (49 kiloko kategorian), Lidia Marton (55 kilokoan), Susana Davila (59 kilokoan), eta Elena Mangas (71 kilokoan). Taldeko beste hiru pultsulari bigarren geratu ziren: Daniela Perez (59 kilokoan), Maitane Hernandez (64 kilokoan) eta Allison Rivera (71 kilokoan).
Gizonezkoetan, bi pultsulari geratu ziren txapeldun: Jon Kepa Kortajarena (61 kilokoan) eta Ekaitz Kortajarena (67 kilokoan). Beste hiru pultsulari bigarren postuan geratu ziren: Igor Sasiain (73 kilokoan), Ekain Dominguez (89 kilokoan) eta Eki Lizaso (96 kilokoan). Gipuzkoa izan zen txapeldun taldeka, bai emakumezkoetan bai gizonezkoetan.
Liga Nazionaleko II. Jardunaldia
Beste txapelketa batean ere parte hartu berri dute Danok Danenako pultsulariek. Oraingo honetan Zarauzko Aritzbatalde kiroldegian, Liga Nazionaleko II. Jardunaldian parte hartu zuten. Gizonezkoetan ondorengoak izan ziren lortutako emaitzak: Danok Danena A, Ohorezko Mailan 1.554,07 puntu, Gorka Endjilo, Ekain Dominguez, Igor Sasiain, Ekaitz Kortajarena eta Eki Lizaso pultsulariekin; Danok Danena B, Lehen Mailan 1.384,11 puntu, Ion Ander Iriarte, Xabier Amonarriz, Jon Kepa Kortajarena, David Rubio eta Pablo Ucero pultsulariekin; Danok Danena C Hirugarren Mailan 1.178,26 puntu, Urtzi Lusarreta, Aitor Tecedor, Jon Rodriguez, Stalin Javier Cueva eta Unai Mesa pultsulariekin. Emakumezkoetan ondorengoak izan ziren lortutako emaitzak: Danok Danena A, Lehenengo Mailan 994,13 puntu, Lidia Marton, Allison Rivera, Daniela Perez , Susana Davila eta Elena Mangas pultsulariekin, Danok Danena B, Hirugarren Mailan 356,95 puntu, Maitane Hernandez eta Izarne Marko pultsulariekin.