Abantaila hartu dute lau taldek herriartekoan

Tolosaldeko Ataria 2023ko mai. 18a, 16:00
Larraul eta Azpeitia arteko herrriarteko kanporaketaren joaneko jardunaldiko une bat, Larraulen.

Final-zortzirenetako joaneko jardunaldia jokatu da Gipuzkoako Herriarteko Pilota Txapelketan, eta eskualdetik parte hartzen ari diren zazpi taldeetatik lauk abantaila hartu dute.

Eskuz, Altzok 2-1 irabazi zion Hernaniri, eta itzulerako jardunaldia larunbatean, 18:30ean, Hernanin izango dute. Tolosak 1-2 irabazi zion Zestoari, eta itzulerakoa Tolosan, Beotibarren, larunbatean 11:30ean izango da. Amezketak 1-2 irabazi zuen Oñatiren aurka, eta itzulera Amezketan izango dute, bihar, 19:30ean. Adunak 0-3 galdu zuen Azkoitiaren aurka. Itzulerakoa bihar, 22:00etan, Azkoitian izango da. Larraulek 0-3 galdu zuen Azpeitiaren aurka, eta itzulerakoa bihar, 22:00etan, Azpeitian izango dute.

Gomazko paletari dagokionez, Anoeta 2-1 aurreratu da Andoainen aurka, eta itzulera igandean izango dute, 09:30ean, Andoainen. Tolosak, berriz, 0-3 galdu zuen Mutrikuren aurka, eta itzulerakoa Tolosako Beotibar pilotalekuan izango dute, larunbatean, 17:00etan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!