Eskuz, Altzok 2-1 irabazi zion Hernaniri, eta itzulerako jardunaldia larunbatean, 18:30ean, Hernanin izango dute. Tolosak 1-2 irabazi zion Zestoari, eta itzulerakoa Tolosan, Beotibarren, larunbatean 11:30ean izango da. Amezketak 1-2 irabazi zuen Oñatiren aurka, eta itzulera Amezketan izango dute, bihar, 19:30ean. Adunak 0-3 galdu zuen Azkoitiaren aurka. Itzulerakoa bihar, 22:00etan, Azkoitian izango da. Larraulek 0-3 galdu zuen Azpeitiaren aurka, eta itzulerakoa bihar, 22:00etan, Azpeitian izango dute.
Gomazko paletari dagokionez, Anoeta 2-1 aurreratu da Andoainen aurka, eta itzulera igandean izango dute, 09:30ean, Andoainen. Tolosak, berriz, 0-3 galdu zuen Mutrikuren aurka, eta itzulerakoa Tolosako Beotibar pilotalekuan izango dute, larunbatean, 17:00etan.