Maiatzaren 28ko hauteskundeen inguruan Ataria.eus-en egindako hirugarren inkestan 145 erabiltzailek beren herrian bozkatuko duten alderdiaren inguruko galderari erantzun diote. Inkestaren lehen eta bigarren lekuan EH Bildu eta EAJ agertzen dira, hurrenez hurren. Bozkatuko ez duten erabiltzaileak daude hirugarren. Ondoren, herri plataformak agertzen dira eta bosgarren lekuan PSE-EE. Bina erantzunekin berriz, PP eta zurian bozkatuko dutenak. Eta azken lekuan, erantzunik gabe, Elkarrekin Podemos agertzen da.
Ostegunean izango da hauteskunde aurreko azken inkesta, udal eta foruetako bozken ingurukoa, hain zuzen ere.
