Altzo ere lehia horretan izango da, eskuzko modalitatean Bergararen aurkako kanporaketa 5-1 irabazi ostean. Etxean 3-0 irabazi zuten altzotarrek eta Bergararen aurka 1-2 gailendu ziren pasa den asteburuan. Final-zortzirenetako kanporaketak hasiko dituzte asteburu honetan, eta Altzok Hernaniren aurka jokatuko du joaneko jardunaldia, larunbatean, etxean, 18:00etan.
Eskuz eskualdeko beste lau herri sartuko dira lehian, guztiak ere final-zortzirenetan. Bihar Amezketak Oñatiren aurka jokatuko du, etxetik kanpo, 18:30ean. Bihar ere Aduna hasiko da parte hartzen, eta Azkoitiaren aurka jokatuko du, etxean, 19:30ean hasita. Larunbatean beste bi herriak ariko dira lehian. Larraulek Azpeitiaren aurka jokatuko du, 18:00etan, etxean, eta herrian giro berezia sortuko dela espero dute udaletik. Tolosak etxetik kanpo jokatuko du, Zestoaren aurka, 19:00etan.
Gomazko paletan eskualdeko bi herrik parte hartuko dute. Bihar Anoetak jokatuko du, etxean, 18:15ean, Andoainen aurka. Igandean Tolosaren txanda izango da, eta etxetik kanpo jokatuko du, Mutrikuren aurka, 10:00etan. Final-zortzirenetako kanporaketak izango dira.
Gipuzkoako Herriarteko Pilota Txapelketako herri guztiak sartuko dira lehian asteburu honetan.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!