Asteburuan zehar proba ugari burutu ziren; larunbat goizean txikienen txanda izan zen eta arratsaldean aldiz paraduatleta, kadete eta helduen Supersprint distantziako (2,5 km korrika, 10 km bizikletaz eta 1,25 km korrika) lasterketak.
Bertan Tolosaldeko Triatloi Taldeko 4 triatleta izan ziren. Emakumezkoen helduen mailan garaipena eskuratu zuen Aratz Urkolak eta kadete emakumezkoen mailan lehenengo eta bigarren postua eskuratu zuten Izaro Urkola eta Sara Larrinagak. Gizonezko kadeteen mailan, bere lehen duatloian, bigarren postua eskuratu zuen Amets Arrutik.
Igande goizean, distantzia motzeko Gipuzkoako Txapelketa jokatu zen bertan, 10 km korrika, 40 km bizikletaz eta 5 km korrika. Bertan Aitor Regillagak sailkapen nagusiko 5. postua eskuratu zuen, Gipuzkoako txapeldunorde bilakatuz. Aitor Tejeria billabonatarrak 10. postuan amaitu zuen eta Imanol Toledo tolosarra 25. postuan heldu zen.
Duatloi denboraldia amaiturik, triatloi denboraldiari begira jarriko dira Tolosaldea Triatloi Taldeko kirolariak. Lehen jardunaldia gaur izaten ari dira Hondarribian.