Gaur argitaratu dituzte udal hauteskundeetarako zerrendak. Maiatzaren 28an izango dira hauteskunde horiek.
-
Tolosaldean guztira 72 zerrenda osatu dituzte. Duela lau urte 11 gutxiago aurkeztu zituzten, hau da, 61.
-
72 alkategai horietatik 24 emakumeak dira, 48 gizonezkoak. Aurreko hauteskundeetan 22-39koa zen datu hori.
-
Alderdiei dagokienez:
-
Euskal Herria Bildu da zerrenda gehien aurkeztu dituen alderdi edo koalizioa, 18rekin. Duela lau urte 19 aurkeztu zituen eta orduko herriak mantendu ditu, Bidania-Goiatz kenduta.
-
PSE-EEk 17 zerrenda osatu ditu eskualdeari begira, azken aldian bezala.
-
EAJ eta herri plataformak daude hirugarren, hamabina zerrendarekin.
- EAJren kasuan, lau herri berritan aurkeztu du zerrenda: Aduna, Berastegi, Larraul eta Leaburu-Txarama.
- Herri plataformek 12 zerrenda osatu dituzte, 2019an bezala. Berastegi eta Leaburu-Txaraman ez dira aurkeztu; Berrobin Berrobi Bizi aurkeztu da: eta Bidania-Goiazko kasuan, aurten, bi plataforma daude, bat beharrean, Garai Berriak eta Ibiri.
-
Elkarrekin Podemosek bi zerrenda aurkeztu ditu, duela lau urte bezala.
-
PPk 11 zerrenda aurkeztu ditu eta duela lau urte bakarra Tolosan.
-
-
Zerrenda bakarra egongo den herrien kopuruak behera egin du. 2019an 11 ziren eta aurten 8: Elduain, Gaztelu, Lizartza, Orendain eta Orexan EH Bildu aurkeztu da, eta besteetan herri plataformak dira, Abaltzisketan Herrigintza, Baliarrainen Auzolanean Bizirik eta Hernialden Herniope.