Emaitza nabarmenena kadete mailako neskek lortu zuten, lehen postua eta bandera eskuratuz. Oso estu lortu zuten irabaztea, 19 ehuneneko bakarrik atera baitzizkioten San Juan batelari. Hirugarren Kaiku izan zen.
Nesken beste bi batelek hirugarren postua lortu zuten. Infantil mailakoek aurretik Hernani eta Ondarroa izan zituzten eta laugarrena izan zen San Juan batelari 22 ehuneneko atera zizkioten. Jubenil mailakoek, berriz, Kaiku eta San Juan izan zituzten aurretik. Nesken hiru batelak asteburu honetan izango dira Sestaon jokatuko den Espainiako Txapelketan.
Euskadiko Txapelketan parte hartu zuen klubeko laugarren batela mutilen kadete mailakoa izan zen. B finalean parte hartu zuen, bigarren postua lortuz Mundakaren atzetik. Guztira, beraz, seigarren postuan amaitu zuten.
Absolutu mailan, eskualdeko arraunlariak txapeldun
Emakumezkoen absolutu mailan, Donostiarra taldeak irabazi zuen txapelketa. Batel horretan parte hartu zuten Olatz Lopez eta Nerea Perez tolosarrek eta Maider Zumeta ibartarrak.
