Zuzenean ikusi daitezke finaleko partidak Kirolzale TV kanalaren bitartez. 18:30ean hasiko da, eta Zumarragako Beloki pilotalekuan jokatuko dira. Lehen finala txapelketa herrikoiarena izango da, eta bikote finalistak Oliveira-Ibañez eta Rodriguez-Aleman izango dira. Bigarren finalean, promesen mailakoen lau eta erdikoan, Etxeberria eta Zubizarreta arteko norgehiagoka ikusiko da. Azkenik, hirugarren partidan, eskualdeko pilotariak izango dira protagonistak. Murua eta Gorka Ugartemendia alkizarra gorriz ariko dira, eta Iñaki Elola bidaniarra eta Lizeaga urdinez.