Arraun Lagunak taldeak 15.45,95eko denbora egin zuen San Pedroko badian jokatutako estropadan. Orio izan zen bigarren, 15.54,67ko denbora eginda. Hirugarren Donostiarra sailkatu zen, 15.55,21eko denborarekin. Tolosaldeak, donostiarrek baino hamar segundo gehiago behar izan zituzten hiru luzeko proba egiteko; 16.05,41 izan zen eskualdeko arraunlariek egindako marka. Atzetik sailkatu ziren, hurrenez hurren, Hibaika, Hondarribia, Kaiku, Zumaia, Zarautz eta Hernani. Nabarmentzekoa da Tolosaldearen eta Hibaikaren artean minutu erditik gorako aldea izan zela.
Gizonezkoen proban, Bermeo izan zen traineru onena, 20.57,82ko denbora eginda. Lehen zazpi sailkatuen artean lehia estua izan zen, eta zazpi segundoren buruan izan ziren traineru horiek. Honela sailkatu ziren, hurrenez hurren, bermeotarren atzetik: Donostiarra (20.59,39), Orio (21.00,08), Hondarribia (21.01,05), San Juan (21.03,02), Zierbena (21.03,56) eta San Pedro (21.05,15).
Beteranoen mailan, Badok A taldeak lortu zuen garaipena, Cesantes eta Fortuna taldeen aurretik.