ATARIA-ren material berria eskura izango da bihar goizean Tolosako Trianguloa plazan. Izan ere, postu bat jarriko du Tolosaldeko komunikabideak bertan, eta herritarrek materiala bertatik bertara ikusi eta erosteko aukera izango dute.
Maria Altuna zizurkildar artistak Uhinen dardaraz sustraiak errotu leloarekin diseinatu zituen katiluak, botilak eta poltsak eskuratu ahalko dira:
- Katiluak: Atarikideek 9 euroan, eta Atarikide ez direnek 11 euroan.
- Botilak: Atarikideek 9 euroan, eta Atarikide ez direnek 11 euroan.
- Poltsak: Atarikideek 8 euroan, eta Atarikide ez direnek 10 euroan.
- Sorta osoa, hau da, katilua, botila eta poltsa 20 euroan eskuratu dezakete Atarikideek eta 26 euroan gainerakoek.
Bihar Trianguloa plazara gerturatu ezin dutenek ATARIA-k Tolosako San Esteban auzoan duen egoitzan bertan eskuratu dezakete materiala astelehenetik ostiralera goizez nahiz arratsaldez.
HARPIDETZA ESKAINTZA
Materiala erosteaz gain, ATARIA-k dituen harpidetza mota desberdinen informazioa jaso eta Atarikide egiteko aukera izango da bihar Trianguloa plazan. Gainera, bertara gerturatzen direnentzat eskaintza berezia egongo da: harpidetza digitala 50 euroan lortuko dute, eta etxean paperean jaso nahi duenak, 65 euroan.
Izan harpidetza eginez edota materiala erosiz, inoiz baino errazagoa da orain ATARIA-rekin bat egitea, eta ondorioz, Tolosaldeko euskarazko komunikabidea indartsuago egiten laguntzea.