Irudimena izan da protagonista aurten ere eskualdeko inauterietan, eta Atariak antolatutako mozorro lehiaketan 30 mozorro ezberdinen artean saridunak aukeratu dira:
Irabazle nagusia, epaimahaiaren saria eta erabiltzaileen saria lortu dituena, Jon Ipentzak bidalitako Mr. Bean mozorroa izan da. Berak Nekaturrek eskainita, Nekaturreko edozein ostatuetan erabili ahal izango den 120€ko balioa duen opari txekea eta Tolosako KIMETZ dendako ANDIA etxeko jertsea jaso ditu sari moduan.
Parte hartu duten Atarikideen artean Errigorako bi kaxa zozkatu dira, eta saridunak Aitziber Urrestarazuk bidalitako Makila panpinak eta Sonia Sanzek bidalitako Txanpon baten truke izan dira.
Sari banaketan —argazkian— hiru irabazleak eta Nekaturreko ordezkaria izan dira.