Hanbike modalitatean eskualdeko bi kirolariek parte hartu zuten bakarrik. Helmugara batera iritsi ziren arren, Galarraga izan zen helmuga igarotzen aurrena (59.25), eta hark jantzi zuen txapela. Segundo bat beranduago sartu zen helmugan Mikel Goikoetxea amezketarra (59.26), baina hark ere eraman zuen merezitako oroigarria.
Proba nagusian, Azkoitia-Azpeitia Maratoi Erdian, Iraitz Arrospide billabonatarra bosgarren izan zen, 1.06.59ko denborarekin, Victor Kipruto irabazlearengandik 6.05era.
Bestalde, 301 korrikalarik amaitu zuten proba herrikoia, 8,1 kilometroko XI. Azkoitia-Azpeitia lasterketa laburra. Emakumezkoen podiumean Ioana Arbillaga tolosarra sartu zen, hirugarren eginez, 35.25eko denborarekin. Nerea Murua lezoarra izan zen azkarrena (30.47), eta haren atzetik helmugaratu zen Eneritz Aramendi azpeitiarra (32.38).
Iraitz Arrospide, eskuinean, proba amaitu berritan. UROLA KOSTAKO HITZA