Jokin Tolosa anoetarrak irabazi du Gabiriako VII. Leharrei Mendi Trail lasterketa, esprint modalitatean. 14 kilometroko ibilbidea 1.12.04an amaitu zuen Tolosak. 26 segundora iritsi zen helmugara bigarren sailkatua, Axier Artola amezketarra. Podiuma, Altsasuko Eukeni Goikoetxeak osatu zuen. Lehen 10 postuetan eskualdeko lau korrikalari agertzen dira. Helmugan bosgarrena Mikel Gabirondo irurarra izan zen eta zazpigarrena Eneko Morales tolosarra.