Zergatik erabaki zenuen Lanbide Heziketara jotzea?
Ez nengoen ados DBHn landutako metodologiarekin, denok ez baitugu balio ikasgaiak buruz ikasi eta azterketan ikasitakoa erakusteko. Nik nahiago dut metodologia praktikoago bat. Errealitatearekin lotura duenarekin hobeto moldatzen naiz eta horregatik erabaki nuen Lanbide Heziketara jotzea. Nire ustez denok pasa beharko genuke Lanbide Heziketa batetik.
Zergatik erabaki zenuen erdi mailako zikloa egin ostean, goi mailakoa egitea?
Bi ikasketek arlo berdina jorratzen dute, lotura zuzena dute. Arretari lotutako zikloan higienea lantzen da batez ere, eta gizarteratzean jarduerak eta dinamizatze lanak jorratzen dira gehiago. Ate gehiago irekitzen dira, nire ustez, goi mailakoan, nire kasuan behintzat, eta oso kontentu nago.
Kroaziako hiriburuan, Zagreben, zaude praktikak egiten, zer moduzko esperientzia izaten ari da?
Eramus + programaren barruan etorri nintzen Zagrebera, eta oso gustura nago. Esperientzia oso berezia eta aberasgarria izaten ari da. Ingelesa praktikatzeko aukera ere eman dit. Desgaitasun intelektuala duten pertsonak dauden eguneko zentro batean nago praktiketan eta asko ari naiz ikasten.
«Lanbide heziketak errealitatearekin lotura estua du»
Saioa Etxezarreta Larrañagak (Gabiria, 2003) mendekotasun egoeran dauden pertsonen arreta egiteko erdi mailako zikloa egin zuen lehenik, eta orain gizarteratzeko goi mailako teknikaria izateko ikasketak burutzen ari da. Ikastolan hainbat proiektutan aritu da boluntario moduan, suizidioari aurre egiteko Berpiztu taldean, esaterako.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!