Frantziako Estatuko langile klasearen borroka «Euskal Herriko eta munduko langileen borroka bera» dela esan dute. Horrez gain, Frantziako Estatuko langile klasea, «azken urteotako mobilizazio eta borroken irakaspenetatik abiatuz, urrunago» iritsi dela adierazi dute. «Bide horretatik bakarrik lor dezakegu mundu osoko kapitalistek euren sistemaren krisia langileriari ordainarazteko duten asmoa eraistea. Horregatik da hain garrantzitsua Frantziako Estatuko langile klasearen eta gazteriaren borroka aktiboki eta elkartasunez babestea. Macron garaitzea bultzada itzela litzateke Europa osoko langileen borrokan», gaineratu dute.
Frantziako Estatuko langile altxamenduaren aldeko elkarretaratzean izango dira Tolosaldeko Ezker Iraultzaileko kideak; Arriaga Plazan izango da mobilizazioa, larunbatean, hilak 25, 12:00etan, Arriaga Plazatik abiatuta
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!