Bihar, ostirala, eskuz binakako kadeteen 1. mailako (ekialdea) finala jokatuko dute Amezketako Zazpi Iturri Pilota Elkarteko Aitor Carrerak eta Ametz Gorostidik, Ataungo Auzoeta frontoian. 19:15ean hasiko da partida eta Ataungo Oier Izagirre eta Aetz Lopezen aurka jokatuko dute.
Etzi, larunbata, Tolosako Beotibar frontoian bi final jokatuko dituzte. 11:00etan hasiko da jaialdia, eta lehen partidan, Hernaniko Joseba Arretxek eta Martin Alberdik, Mundarroko Unax Pascual eta Aimar Zabalaren aurka jokatuko dute, eskuz binakako kadeteen bigarren mailako (ekialdea) finala. Bigarren partidan, Tolosa 3 taldeko Beñat Elolak eta Aitor Perurenak, Oiarpe Pilota Eskolako Aitor Etxeberriaren eta Unai Zelarainen aurka jokatuko dute eskuz binakako kadeteen bigarren mailako (Gipuzkoa) finala.
Azkenik, igandean, hilak 26, Bergarako Udal Pilotalekuan, eskuz binakako kadeteen 1. mailako mendebaldeko finala jokatuko dute, Behar Zanako Inhar Iparragirrek eta Urko Otaegik. 11:00etan hasiko da partida eta Bergarako Aratz Etxeberriaren eta Aratz Ormaetxearen aurka jokatuko dute.
Alegian, finalaurrekoak
Larunbatean, pilota partida gehiago izango dira Alegiako Elorri pilotalekuan; eskualdeko palistek Udaberri txapelketako finalerdiak jokatuko dituzte 17:00etatik aurrera. Jubenil mailan, Intxurre eta Behar Zanako bikoteek jokatuko dute; irabazleak Txulobi izango du zain finalean. Nagusien mailan, berriz, Intxurreko bi bikote ariko dira elkarren aurka. Ondorioz, Intxurrek ziurtatuta duela presentzia Hernaniren aurkako finalean.