Aurtengo Berria Erremonte Txapelketak eskualdeko bi erremontisten arteko debutarekin eman zion hasiera Galarreta frontoian. Irazu adunarrak eta Zubirik 16-35 irabazi zieten Loitegi eta Berrobin bizi den Eskudero andoaindarrari.
Eskualdeko erremontisten derbia 5-6 hasi ondoren, Irazu-Zubiri bikoteak partida haustea lortu zuten 9 tanto erreskadan egin ostean. Zubirik nagusitasun handia erakutsi zuen atzeko koadroetan, eta Loitegi partidatik kanpora uztea lortu zuen. Partida maldan goran izateak ez zien batere lagundu bikote gorriari, eta Eskuderok partida irauli nahian, akats asko egin zituen.
Hurrengo larunbatean, Galarreta frontoian, Irazuk eta Zubirik txapelketako bigarren partida jokatuko dute Odei Arregi atzelari tolosarraren eta Zaldua II.aren aurka.