Lilatoiak bere sailkapena ere izaten du eta hor eskualdeko korrikalariak nabarmendu ziren, bik podiumera igotzea lortu baitzuten. Maria Navascues tolosarra izan zen bigarren, Nerea Egia irabazlearengandik 32 segundotara, eta Itziar Ibarbia alkizarra izan zen hirugarren, lehen sailkatutik 47 segundotara. Lourdes Colomo zizurkildarra hamargarren izan zen, 2.04ra.
Lasterketa bat baino gehiago da Lilatoia, emakumeen eskubideak aldarrikatzeko kirol proba bat baita. 6.000 emakume inguruk parte hartu zuten atzo Donostian egindako lasterketan, eta eskualdeko korrikalari ugari izan ziren bertan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!